Y Gronfa Twf Lleol
Rhaglen Twf a Gwytnwch Busnes Conwy
Ariennir y rhaglen hon drwy Gronfa Twf Lleol Llywodraeth Cymru ar gyfer Gogledd Cymru, Blwyddyn Bontio 2026-27 ac fe’i darperir gan Gyngor Bwrdeistref Sirol Conwy
.I gefnogi cyflwyno’r rhaglen mewn modd amserol, bydd ceisiadau’n cael eu gwahodd cyn i’r cynllun dderbyn cymeradwyaeth ffurfiol gan yr Awdurdod Arweiniol.
Bydd ceisiadau’n cael eu derbyn a gallant gael eu hasesu yn ystod y cyfnod hwn; fodd bynnag, ni ellir dyfarnu unrhyw grantiau hyd nes y bydd cymeradwyaeth ffurfiol wedi’i sicrhau.
Ni ddylid dehongli asesu cais cyn derbyn cymeradwyaeth ffurfiol fel ymrwymiad i ddarparu cyllid.
Datblygwyd Rhaglen Twf a Gwytnwch Busnes Conwy i gefnogi busnesau lleol i:
- Fod yn fwy cynhyrchiol a chystadleuol
- Buddsoddi mewn twf busnes ac arloesedd
- Mabwysiadu technolegau a datrysiadau digidol newydd
- Gwella sgiliau’r gweithlu
- Gwella gwytnwch busnes
- Buddsoddi mewn prosiectau carbon isel a datgarboneiddio
- Creu cyfleoedd ar gyfer cyflogaeth a’u diogelu
Mae cyllid ar gael tuag at brosiectau cyfalaf a gwariant refeniw dethol cymwys sy’n cyfrannu at un o flaenoriaethau’r Gronfa Twf Lleol neu fwy.
Mae’r cynllun wedi’i dargedu at fentrau micro, bach a chanolig (sy’n cyflogi hyd at 250 o bobl) gydag un ai trosiant o lai na €50 miliwn neu fantolen lai na €43 miliwn.
- Cefnogaeth Grant ar Gael
- Grantiau o £3,000 i £50,000
- Cyfradd ymyrraeth hyd at 70%
- Cyfraniad o 30% o leiaf gan yr ymgeisydd
- Cynllun grant dewisol cystadleuol
- Cyllid yn amodol ar y gyllideb sydd ar gael a chymeradwyaeth y Panel Adolygu Grantiau.
- Rhaid cwblhau’r prosiectau a hawlio’r grant cyn y dyddiad a nodir yn y cynnig grant.
Mae’r cynllun grant hwn yn ddewisol a bydd yn cael ei weithredu ar sail y cyntaf i’r felin, yn dibynnu ar argaeledd arian a’r gallu i gwblhau’r prosiect o fewn y cyfnod penodol.
Mae’r manylion llawn o ran y Meini Prawf a Chymhwysedd ar gael YMA
I drafod eich prosiect gydag aelod o’r Tîm Cymorth Busnes, anfonwch e-bost at: busnes@conwy.gov.uk
