home contact
Home » Cymorth Busnes » Grantiau a Chyllid » Grant Cefogni Busness Conwy

Grant Cefnogi Busnes Conwy

**Sylwch os gwelwch yn dda fod y meini prawf a’r cymhwyster ar gyfer Grant Cymorth Busnes Conwy wedi’u diweddaru. Rhaid i unrhyw geisiadau a gyflwynir o'r 1 o  Fawrth 2026 ymlaen gydymffurfio â’r cynllun sydd wedi’i ddiweddaru.**

Mae Grant Cefnogi Busnes Conwy (CBSG) yn grant dewisol i gefnogi twf Busnesau, Mentrau Cymdeithasol (sy’n ymgymryd â gweithgareddau masnachol) neu brosiectau arallgyfeirio ffermydd yng Nghonwy.

Bydd y gronfa yn galluogi darparu grantiau i gefnogi twf economaidd a chynaliadwyedd trwy gyflawni ystod o brosiectau datblygu busnes.

 

 

 

Er mwyn cael ei ystyried, mae’n rhaid i’ch prosiect allu dangos pa ganlyniadau a gyflawnwyd o ganlyniad i’r datblygiad busnes, megis:

  • cynyddu trosiant
  • creu swyddi
  • mentrau carbon isel
  • cynnyrch neu wasanaethau newydd
  • datblygu sylfaen cwsmeriaid newydd
  • cynyddu proffidioldeb
  • cynaliadwyedd busnes


Er mwyn bod yn gymwys i dderbyn cymorth buddsoddi, mae’n rhaid i fusnesau gael eu lleoli a’u gweithredu yn Sir Conwy, wedi bod yn masnachu dros 6 mis ac wedi cofrestru gyda CaThEF.

  • Mae'r cynllun yn cynnig cyllid o HYD AT 50% ar wariant cyfalaf a/neu refeniw cymwys ar gyfer prosiectau, gyda dyfarniadau o £500 hyd at £15 00 yn cael eu cynnig.
  • Mae'r cynllun grant hwn yn ddewisol a bydd yn cael ei weithredu ar sail y cyntaf i'r felin, yn dibynnu ar argaeledd arian a’r gallu i gwblhau'r prosiect o fewn y cyfnod penodol.
  • Ni all busnesau sydd wedi derbyn cyllid drwy’r CBSG yn flaenorol gyflwyno cais eto o fewn tair blynedd o ddyddiad derbyn y cyllid.
  • Sylwch os gwelwch yn dda, oherwydd cyllid cyfyngedig, bydd blaenoriaeth i geisiadau cymwys gan fusnesau nad ydynt wedi derbyn dyfarniad o’r cynllun yn y gorffennol
  • Mae’n rhaid i’r Busnes fod yn brif ffynhonnell gyflogaeth / incwm i chi (mwy na 25 awr yr wythnos).
    Gellir rhoi ystyriaeth i geisiadau os bydd y prosiect yn arwain yn uniongyrchol at y busnes yn dod yn brif gyflogaeth i chi o fewn cyfnod y cyllid.

Bydd ceisiadau'n cael eu gwneud drwy’r ffurflen ar-lein. Ynghyd â’r ffurflen gais bydd angen nifer o ddogfennau ategol eraill.

Darllenwch y ddogfen ganllaw yn llawn i sicrhau bod yr holl wybodaeth ynghlwm cyn cyflwyno’r cais.

Canllawiau a ffurflenni:

Mae'r cynllun grant hwn yn ddewisol a bydd yn cael ei weithredu ar sail y cyntaf i'r felin, yn dibynnu ar argaeledd arian a’r gallu i gwblhau'r prosiect o fewn y cyfnod penodol.

Ni ystyrir fod ceisiadau wedi eu cyflwyno’n llawn hyd nes bod yr holl wybodaeth sydd ei hangen wedi ei derbyn.

Gofynnir i chi siarad ag aelod o’r Tîm Cymorth Busnes cyn cyflwyno unrhyw gais. I siarad ag aelod o’r tîm, anfonwch neges e-bost at business@conwy.gov.uk.

YMCHWELWCH YMA