Pweru Busnesau Lleol – Grantiau a Gwefrwyr Cerbydau Trydan i Gwmnïau Bach yn y DU

Gwobrau arian a gwefrwyr cerbydau trydan y gweithle i gwmnïau bach cymwys yn y DY

Gall busnesau bach yn y DU wneud cais am grantiau o £5,000 trwy Ymgyrch Pweru Busnesau Lleol i fuddsoddi mewn gwelliannau cynaliadwyedd sy’n gostwng defnydd o ynni ac allyriadau carbon ac yn gwella effeithlonrwydd busnes.

Gellir defnyddio’r arian ar gyfer amrywiaeth o fesurau, gan gynnwys uwchraddio i offer mwy ynni-effeithlon, gosod technolegau ynni adnewyddadwy megis paneli solar neu storio batris, systemau gwresogi newydd, gosod pympiau gwres a gwella inswleiddio. Gall busnesau hefyd brynu teclynnau mwy ynni-effeithlon a defnyddio’r arian tuag at isadeiledd gwefru cerbydau trydan neu flaendal ar gerbyd trydan neu fflyd cerbydau trydan.

Yn ogystal â’r grantiau hyn, bydd pum busnes yn cael gwefrwr cerbydau trydan y gweithlu wedi ei gyflenwi a’i osod gan Pod. Gall ymgeiswyr ymgeisio am y grant, y gwefrwr neu’r ddau. Rhaid i fusnesau sy’n cael gwefrwr danysgrifio i’r gwasanaeth rheoli safle cysylltiedig.

Mae’r rhaglen ar agor i fusnesau bach yn y DU sydd â llai na 50 o weithwyr sydd wedi bod yn masnachu am o leiaf 12 mis ac yn gweithredu o eiddo maent yn berchen arno neu yn ei rentu. Rhaid i ymgeiswyr fod yn gofrestredig gyda Thŷ’r Cwmnïau neu yn hunangyflogedig gyda Chyfeirnod Trethdalwr Unigryw a bod â chyfrif banc busnes y DU.

Y dyddiad cau ar gyfer gwneud cais yw 31 Awst 2026 (24:00).

CLICIWCH YMA I GAEL RHAGOR O WYBODAETH